Nagtanyag ang gobyerno sang Colombia nga handa ini magsupply sa Pilipinas sang karne sang baboy kag baka.
Ini ang ginpahayag ni Marcela Ordoñez Fernandez, resident ambassador sang Colombia sa Pilipinas may kaangtanan sa pagtaas sang presyo kag karne kag kakulang sang supply sini sa mga merkado sa Metro Manila tuga sang African Swine Fever kag iban pa nga mga kalamidad.
Suno kay Fernandez, interesado ang Colombia nga magbaligya sang karne sang baboy kag baka sa Pilipinas kag luyag man sini nga makabulig sa pagpataas sang foreign investment indi lamang para sa ekonomiya sang ila pungsod kundi mangin sa Pilipinas.
Sa bahin ni Presidente Rodrigo Duterte, handa man ang punsod nga pasangkaron pa ang kooperasyon sa Colombia kun “trade and investment” ang pagahambalan.
