Nag-umpisa na si Eight-division champion Manny Pacquiao sa iya nga training bilang pagpanghanda sa masunod niya nga away sa wala pa mahibaluan nga mangin kasumpong sang boxing champ.
Luyag sang 42 anyos sang showdown batuk kay mixed martial arts superstar Conor McGregor subong nga tuig apang nalutos ini pinaagi sa knocked out sa duha ka rounds batuk kay american mixed martial artist Dustin Poirier sa UFC 257 sa Abu Dhabi.
Bangud sini, may mga impormasyon nga nagaguwa nga mahimo si WBC interim lightweight champion Ryan Garcia na lang ang iya mangin kasumpong.
Suno kay Pacquiao, handa na siya nga magbalik sa ring.
Ginpahayag man sang fighting senator nga mahimo sa masunod nga ma inadlaw may yara siya sang dako nga balita ukon announcement nga ipakigbahin sa publiko.
Sa subong, may yara na sang gina-uyatan si Pacquiao nga 62 wins kag 7 losses nga rekord sa patag sang boxing.
