ILOILO CITY – Arestado ang duha ka ginapahayag durugista sa buy-bust operation nga ginpatigayon sa gwa sang Iloilo Terminal Market sa De Leon St., Barangay San Jose, Iloilo City.
Ang nadakpan amo sanday Marvin Dionero, residente sang Barangay Calaparan, Arevalo kag Emilio Adorable, 32, construction worker, kag residente sang Barangay Pakiad, Oton, Iloilo.
Nakuha sa possession sang duha ang duha ka sachet sang suspected shabu kag P2,000 nga buybust money.
Sa interview sang Bombo Radyo kay Adorable, iya ginpahayag nga kilalahay lang sila ni Dionero apang indi man sila suod nga mag-abyan kag indi man sila dungan nga nagapadulong diri sa syudad.
Gin-alegar ni Adorable nga gulpi lang siya nga ginbutong sang indi niya kilala nga mga persona, ginpasakay sa van, ginlibot sa syudad, kag pagbalik sa Iloilo Terminal Market, may drug items na nga nakuha sa ila.
Gindala na sanday Dionero kag Adorable sa Iloilo City Police Station 1 para sa nagakaigu nga disposition.
