Ginpanginwala sang obispo sang Diocese of San Jose de Antique ang mga pahayag nga ginbawi niya ang iya pirma sa pastoral letter nga amo ang nagakondenar sang Disyembre 30 nga simultaneous law enforcement operations sa Tapaz, Capiz.
Ang amo nga pastoral letter ang gin-release sang nagligad nga Enero 15, ginpirmahan sang mga obispo sa Western Visayas, kag gin-publish agud magpanawagan sang independent investigation batok sa kontrobersyal nga operasyon sang mga pulis sa Tapaz, Capiz nga nagresulta sa siyam ka mga patay kag 17 ka arestado.
Sang Pebrero 9, may press release ang mga militar nga ginbalhag paagi sa Facebook page nga Philippine Army Spearhead Troopers.
Nakasaad sa amo nga press release nga ginsapol sang 301st Infantry (Bayanihan) Brigade sang Philippine Army si San Jose de Antique Bishop Most Reverend Marvyn Maceda.
Gin-quote sa amo nga balita nga nagpahayag si Bishop Maceda sang iya “realization” nga nagasiling: “Mea Culpa (It was my fault). I could have asked for more information” may kaangtanan sa kampanya sang pulis kag militar batok sa insurhensya.
Ini nga pahayag, suno sa Simbahang Katolika, ang MISQUOTED kag MISUNDERSTOOD.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center, iya ginpahayag nga Pebrero 10, nagsabat man si Bishop Malceda paagi sa official statement agud kontrahon ang balita nga ginpagwa sang militar.
“Let it be known that the Bishop wholeheartedly subscribes to and stands by the content of the pastoral letter in its entirety which called for adherence for the rule of law and due process as the basic tenets of a democractic government.”
Magluwas diri, ang MEA CULPA nga ginpahayag ni Bishop Maceda ang nagakahulugan lang kuntani nga KUN nakaistoryahanay ang militar kag ang Simbahan antes na-release ang pastoral letter, ‘mas na-enlighten ang bilog nga picture. “He never said nga ginabawi niya ang iya nga pirma,” pahayag ni Oso.
Gindugang pa ni Msgr. Oso nga sa pagkamatuod, si Bishop Maceda ang isa sa labing-una nga nagpirma sa pastoral letter.
Nagpahayag man si Oso nga handa gihapon ang Simbahan nga makig-istorya sa mga militar may kaangtanan sa ila ginapanawagan sa pastoral letter.
CHECK RELATED ARTCLE TO SEE THE CONTENT OF THE PASTORAL LETTER here:
https://www.facebook.com/dyfmBOMBOILOILO/photos/a.1054628021242720/3911134072258753
