Kanselado ang FIBA Asia Cup Qualifiers nga natalana kuntani sa Pebrero 17 tubtob 22 sa Doha, Qatar matapos nagtaas ang numero sang mga natapikan sang COVID-19 sa nasambit nga pungsod.
Masubo nga ginpahibalo sang Samahang Basketbol ng Pilipinas (SBP) nga indi madayon ang third window sang qualifiers sa Qatar sang makabaton ini sang sulat halin sa FIBA Executive Director-Asia Hagop Khajirian.
Santu sa impormasyon, ginmanduan sang Qatar Ministry of Public Health nga kanselahon ang tanan nga events nga ihost kuntani sang Qatar.
Ang Doha ang napilian nga host sang Group B kag E samtang ginsalo sini ang hosting A nga ginalakipan sang Pilipinas, South Korea, Indonesia kag Thailand.
Suno kay SBP President Al Panlilio, dako na ang sakripisyo sang Gilas Pilipinas pool sa diin pila na ka semana nga yara sa Inspire Sports Academy sa Calamba, Laguna agud preparahan ang third window.
Nagpauli pa sa Pilipinas si NBA G League-bound Kai Sotto agud makaupod ang Gilas Pilipinas sa Doha.
Sa subong wala pa sang announcement ang FIBA kun san-o ini madayon ukon tayuyon na lang nga kanselahon ang third window.
