Negatibo sa COVID-19 ang 18 ka mga personnel sang Jaro Police Station matapos ginpaidalom sa Reverse Transcription Polymerase Chain Reaction (RT-PCR) test.
Sa interview sang Bombo Radyo kay Pol Lt. Col. Reuben Siason, hepe sang Jaro Police Station, iya ginpahayag nga may yara sang isa ka police personnel nga nakaupod sa conference nga nagpositibo sa COVID-19.
Bangud nga may 18 ka mga pulis sang Jaro Police Station nga nakatambong man sa conference, gilayon sila nga ginswab test kag lunsay negatibo ang resulta.
Suno kay Siason, nakabalik na sa trabaho ang mga police personnel.
May yara man pahayag niya sang ginapatigayon nga random swab test para sa COVID-19 ang Iloilo City Police Office sa diin 50% sang mga pulis sa Jaro Police Station ang napaidalom na sa RT-PCR testing.
