Ang pag-angkon sang stress kag depression ang isa sa pinakamayor nga rason sang erectile dysfunction sa mga kalalakihan.
Sa interview sang Bombo Radyo kay Dr. Elvin Tiangha, iya ginpahayag nga ang erectile dysfunction amo ang male impotence kag isa ka medikal nga kondisyon sa diin ang isa ka lalaki ang nabudlayan magpatindog sang iya kinatawo samtang nagapakighilawas.
Suno kay Tiangha, common ini sa mga lalaki nga naga-edad 75 anyos pasaka apang mahimo man ini maeksperyensya sang mga lamharon nga lalaki.
Ginpahayag sang doktor nga dako ang epekto sini sa psychological health kag sexual life sang isa ka lalaki.
Yari ang pila ka sintomas sang erectile dysfunction: stress, altapresyon, depresyon, sakit sa dughan, diabetes, obesity, pagkakapoy kag panghina.
Ginpahayag ni Tiangha nga ang urine kag blood test ang mga pamaagi agud mahibaluan kun may erectile dysfunction ang isa ka lalaki.
Magluwas diri, importante man suno sa iya ang magpacheck up sa doktor.
Agud malikawan ang nasambit nga balatian, nagpanugyan man ang doktor sa mga lalaki nga magkaon sang healthy kag maglikaw sa malain nga mga bisyo.
Makabulig man suno sa natungdan ang pag-exercise, kag pagdiet ilabi na kun may yara sang suporta halin sa asawa.
