Liwat na naman nga nag-champion sa bilog nga kalibutan ang Pilipinas sa patag sang E-Karate
Ini matapos nakuha sang Pinoy Karateka nga si James De Los Santos sang Cebu City ang iya ikatatlo nga bulawan nga medalya subong nga tuig.
Sa exclusive interview sang Bombo Radyo kay De Los Santos, iya ginpahayag nga tuman ang iya pasalamat sa asud-asud nga kadalag-an sang Pilipinas.
Suno kay De Los Santos, nakuha niya ang pinakauna nga gold medal matapos ginlutos si Silvio Cerone-Biogioni sang South Africa sa prestihiyoso nga SportData eTournament World Series 1.
Ang ikaduha naman nga gold medal ang nakuha ni De Los Santos sa final round sang 1st Inner Strength Martial Arts International eTournament sa diin nalutos niya sa final round ang Slovenia.
Samtang ang ikatatlo naman nga gold medal ni Delos Santos ang nakuha niya matapos ginlutos ang Switzerland sa E-Karate World Series #1.
