ILOILO – Patay ang isa ka menor de edad matapos nagsuicide sa Calinog, Iloilo.
Ang biktima amo si Alyas Jonn, 17.
Sa interview sang Bombo Radyo kay Pol. Capt. Genesis Roque, hepe sang Calinog Municipal Police Station, iya ginpahayag nga kadungan sang Valentine’s day, ginkakibot sang ginikanan sang biktima ang iya paghikog.
Wala suno sa iya mahibaluan sang pamilya kun ano ang rason sa likod sang paghikog ni Jonn.
Nagpatigayon pa suno sa iya sang party kagab-i, Pebrero 13, ang biktima kaupod sang iya mga abyan.
Apang kaina sang aga, nasapawan nalang si Jonn sa puno sang Mahogany, tatlo ka metros halin sa ila nga balay kag nakabitay na gamit ang lubid.
Wala naman sang may nakita nga foul play ang pamilya.
Ginpahayag ni Roque nga ini ang pinakauna nga suicide incident sa banwa sang Calinog, Iloilo sa subong nga tuig.
