ILOILO CITY – Mas nagnubo ang kaso sang vehicular accident sa distrito sang Jaro subong nga 2021.
Sa interview sang Bombo Radyo Pol. Executive Msgt. Ritchie Dequito, traffic investigator sang Jaro Police Station, iya ginpahayag nga bangud sang COVID-19 pandemic, madamo ang nakalikaw sa vehicular accident.
Suno kay Dequito, bangud man sa limitasyon kag istrikto nga pagsulundan sa tunga sang pandemya, malaka nalang ang nagalagaw kag nagapaharurot sang salakyan.
Gintuad man sang natungdan nga kun may yara gid man sang mga aksidente sa dalanon, ang isa ka mayor nga rason amo ang human error.
Pahayag niya, masami lamang ginarason sang mga drivers ang mechanical errors sa salakyan nga ginamaneho apang kun tsikyaron na, wala man sang problema ang ginadala nga vehicle.
Pat-od man ang natungdan nga 99 percent nga ginatunaan sang mga vehicular accident amo ang mga driver nga wala nagahalong sa mga dalanon.
