Posible nga ipa-iway sang Department of Trade and Industry (DTI) ang pagbukas sang mga sinehan sa sulod sang duha ka semana.
Ini mismo ang gin-apelar sang mga alkalde sang Metro Manila apang ang pinal nga desisyon ang magahalin sa Inter-Agency Task Force for the Management of Emerging Infectious Diseases (IATF-EID).
Suno kay DTI Secretary Ramon Lopez, i-review anay sang ahensya ang pagbukas sang sinehan sa mga lugar nga napaidalom sa General Community Quarantine (GCQ).
Ang liwat nga pagbukas sang sinehan ang subject sa gihapon sa pagsulundan nga i-isyu sang Department of Health kag tagsa nga mga local government units.
