Kun diri sa Pilipinas, kinahanglan pa ipaidalom sa RT-PCR test ukon saliva test ang mga tawo agud mahibaluan kun affected ini sang COVID-19, didto naman ya sa Germany, ido ang sabat agud mahibaluan kun positibo ka ukon indi sa nasambit nga virus.
Isa ka German veterinary clinic ang naga-train sa sniffer dogs agud nga makadetect sang COVID-19 sa saliva samples sang tawo sa diin 94% ini nga accurate.
Sanday Filoy, tatlo ka tuig nga Belgian Shepherd kag Joe Cocker, isa ka tuig nga Cocker Spaniel — ang mga ido nga gin-train sang Hanover’s University of Veterinary Medicine.
Suno kay Esther Schalke, isa ka vet sa armed forces school for service dogs sa Germany, pinaagi sa pagsimhot sang mga ido sa samples halin sa mga tawo, masarangan sini nga hibaluon kun sin-o ang positibo sa COVID-19.
Apang indi lang ina bangud sila man mismo ang mahibalo kun bala asymptomatic ukon symptomatic ang pasyente.
Madamo naman ang na pa-WOW sa sini nga pagtuon apang indi lamang ini sa Germany kundi mangin sa Finland may yara man sang mga ido nga nagabantay sa airport nga makadetect sang COVID-19.
