Magapatigayon sang bloodletting activity ang San Enrique, Iloilo sa Pebrero 18 kaupod ang Dugong Bombo sang Bombo Radyo Philippines kag Philippine Red Cross.
Sa interview sang Bombo Radyo kay Mayor Trixie Fernandez, iya ginpahayag nga maga-umpisa ang aktibidad las 8:00 sa aga.
Nagalaum ang alkalde nga malab-ot sa masobra 100 ka mga tawo ang makuhaan sang dugo.
Gani gina-imbitar ni Mayor Fernandez ang mga pumuluyo nga makigbahin sa bloodletting activity.
Dugang pa sang natungdan, pinaagi sa aktibidad, indi na mahuya magpangayo ang tawo bangud mismo sila ang nakadonar man sang dugo.
