Madamo sa gihapon sang mga obstruction sa mga dalanon sa syudad sang Iloilo.
Sa interview sang Bombo Radyo kay Mr. Love Joy Hosenilla, pinuno sang Task Force on Anti-Squatting and Illegal Structures Unit, iya ginpahayag nga ginpang-check nila liwat ang mga barangay sa syudad kahapon, Pebrero 19, nga amo ang mga lugar nga may madamo nga violations sadto sa ginpatigayon nga road clearing operations.
Apang suno kay Hosenilla, apisar may mga obstruction, ginalantaw niya nga makapasar man ang syudad sa gihapon.
Isa sa mabudlay nga kuhaon amo ang mga istruktura nga nagasablag sa dalan bangud kinahanglan pa ini nga gub-on.
Sa bahin sang downtown area sang syudad, may yara sang mga vendors nga nagabalik sa kilid sang dalan apang kada las 5:00 na sang hapon.
Nagapanawagan si Hosenilla sa mga pumuluyo nga padayon ang ginahimo nga road clearing operations gani nagapangayo ini sang kooperasyon sa mga barangay officials.
Ang validation sang road clearing ang patigayunon sa Pebrero 23 samtang ang ma-validate naman amo ang Department of the Interior and Local Government-Iloilo Province.
