Ginpirmahan na ni Iloilo City Mayor Jerry Treñas ang voucher para sa advance payment sang 600,000 doses sang COVID-19 vaccine para sa 60% sang poulasyon sang syudad sang Iloilo.
Ini ang kasunod sang pagpahanugot ni Presidente Rodrigo Duterte sa mga local government units nga makabayad sang masobra 15% sa advance market commitments sang pagabaklon nga COVID-19 vaccines.
Suno kay Mayor Treñas, nagalaum ang alkalde nga pinaagi sa advance payment, mangin available na ang bakuna sa mga Ilonggos sa Hulyo subong nga tuig.
Una na nga nakapirma ang Iloilo City Government sang tripartite agreement kaupod ang national government kag British–Swedish multinational pharmaceutical company nga AstraZeneca para sa advance purchase sang 600,000 doses nga makaigu para sa 300,000 ka residente sang syudad.
