Estancia MPS, ginpasakaan na sang kaso nga murder ang ginapahayag isa sa mga suspek sa pagpatay sa menor de edad sa Estancia, Iloilo

Ginfile na sang Estancia Municipal Police Station ang kaso nga murder batuk sa suspek nga ginapatihan nagpatay sa menor de edad nga lalaki sa Barangay Daan Banua, Estancia, Iloilo.

Ang biktima amo si alyas Nonoy, ginabanta 14 tubtob 16 anyos ang edad.

Samtang ang suspek naman amo si Alberto Barrio, 30 anyos, kag residente sang Pontevedra, Capiz.

Sa interview sang Bombo Radyo kay PMaj. Aldren Lamera, hepe sang Estancia Municipal Police Station, iya ginpahayag nga magluwas kay Barrio, may yara pa sang iban nga mga suspek sa krimen.

Suno kay Lamera, base sa panaysayon sang testigo, ginpulihan sang isa ka grupo ang menor de edad nga biktima.

Nahibaluan nga hugot naman nga ginpanginwala sang suspek ang iya kahilabtanan sa krimen.