Ikaw bala ang sahi sang tawo nga ginapeke ang yuhom sa mga tawo nga imo maatubang?
Nagguwa sa pagtuon nga ginpublish sa journal nga Psychological Bulletin nga nagahatag sang malain nga epekto sa lawas ang pagpeke sang yuhom sang isa ka tawo.
Ang pagyuhom apisar nga indi ikaw malipayon ang indi makabulig sa mood sang tawo.
Sa pgatuon, nagguwa nga sa 100 ka tawo nga nagapeke sang ila yuhom, pito lang diri ang nagabatyag sang kalipay.
Santu naman sa mga researchers sang Penn State University sa Pennsylvania, pila man sa mga empleyado nga nagakapilitan magyuhom sa trabaho para sa mga customer ang may mataas nga risgo nga mangin heavy drinker.
Pahayag sang mga eksperto, nagaka-drain ang tawo bangud sa pagpeke sang positive emotions nga naga-resulta sa alcohol consumption nga malain sa ikaayong lawas.
Gani kun ikaw ang nagakabatyag sang kasubo, kalipay, kaakig kag excitement, ipakita ina sa tawo kag indi pagtago-tagoa ang imo ginabatyag.
