Wala na nagakinahanglan sang marriage license ang maglive-in partner nga nagaupod na sa sulod sang lima ka tuig.
Sa exclusive interview sang Bombo Radyo kay Judge Ma. Dianela Olmedo Ladrido, Presiding Judge sang Barotac Nuevo Municipal Trial Court, iya ginpahayag nga ang civil wedding amo ang espesyal nga kontrata para sa permanente nga union sang duha ka tawo sa idalom sang civil law sang gobyerno.
Samtang ang Church wedding naman amo ang pagpakasal sa idalom sang divine law pinaagi sa rules and regulations sang simbahan sa diin nagakadapat man nga magparegister sa civil registrar agud mangin legal.
Suno kay Ladrido, ang mayor nga katuyuan sang pagpakasal amo ang magtukod sang kaugalingon nga pamilya.
Yari naman ang mga rekisitos sa mga nagaplano nga magpakasal sa civil wedding:
- Marriage License
- Birth certificate
- Affidavit of Parental Advice (kun ang mga ikasal ang yara sa edad 21 tubtob 24 anyos)
- Affidavit of Parental Consent (kun ang isa sa mga ikasal ang yara sa 18 tubtob 20 anyos)
- Certificate of no marriage (CENOMAR)
- Certificate of attendance sa mga marriage counseling, family planning kag responsible parenthood seminars
- Community tax Certificate (cedula)
- Barangay Clearance
- 1×1 Photo
- 2 Valid IDs
Samtang, ginpahayag ni Ladrido ang maglive-in partner nga lima na ka tuig nga nagaupod ang nagakadapat nga magfile sang affidavit sa korte nga nagapamatuod nga nagaupod sila sa diin may pirma sang witness nga yara na sa legal nga edad.
