ILOILO – Nagpatigayon sang ‘Akap Kapatid: A Social Integration Programme of Balik Loob’ para sa Calinog Iloilo kag Tapaz Capiz ang Armed Forces of the Philippines (AFP) kag Philippine National Police (PNP).
Sa interview sang Bombo Radyo kay PNP spokesman Brig. Gen. Ildebrandi Usana, iya ginpahayag nga tuman ang ila pagpasalamat nga nangin madinalag-on ang programa sang AFP kag PNP lakip na sang pila ka mga ahensya sang gobyerno.
Diri kag nagpanghatag sang P5,000 nga ayuda ang AFP kag PNP, medical kits kag mga relief goods.
May yara man sang mga dental service suno sa iya.
Suno kay Usana, 82 ang nangin partisipante nga anay rebelde kag subong nagbalik na sa sabak sang gobyerno.
Sa nasambit nga numero, 18 diri ang nagikan sa Calinog kag 64 ang sa Tapaz.
Ginpahayag ni Usana nga ang mayor nga katuyuan sang ila programa amo ang paghakos sang mga anay rebelde nga naka-agom sang insurhensya.
Gintuad sang natungdan nga indi lamang ini ang pinakaulihi nga hugnat kag may yara pa sang mga masunod nga programa nga patigayunon ang AFP kag PNP.
