Liwat nga ginlaslasan ni Vice President Leni Robredo si anay Senador Ferdinand “Bongbong” Marcos bangud sa padayon nga pagkumbinse sa mga tawo nga ang kadalag-an sang bise presidente ang ginpaagi sa pagpandaya.
Suno kay Robrero, may yara sang utang si Marcos sa mga tawo nga ginapapati niya sa iya propaganda nga nangdaya ang bise presidente sang 2016 elections.
Nahibaluan nga ginbasura sang Supreme Court ang 2016 election protest ni Marcos batuk kay Robredo bangud sa kakulangan sang merito.
May mga tawo nga nagapati sa fake news nga ginapaguwa sang kampo ni Marcos kag bangud sini pahayag ni Robredo, nahuy-an ang mga ini nga sa pagkamatuod, kasal-anan ini sang anay senador.
Sa pihak sang nangin desisyon, luyag sa gihapon sang kampo ni Marcos nga maathagan kun bala ginbasura sang Supreme Court ang electoral protest ukon ang portion lang sini.
Dugang pa ni Vice President Robredo, sa baylo nga batunon ang nangin desisyon sang SC, nagahimo pa sang fake news ang pihak nga kampo kag ginapapati ang tawo nga wala na dismiss ang electoral protest.
Nagapati ang bise presidente nga ginaguba ni Marcos ang democratic institutions sang pungsod para lang sa ambisyon sang anay senador.
