Gin-aprubahan na sang Kamara sa third and final reading ang hagna nga nagahimo sang indemnity fund agud nga masakop ang COVID-19 vaccination sa tunga sang pandemya.
Ang House Bill 8648 ukon ang COVID-19 Vaccination Program Act of 2021 ang may katuyuan nga mapadasig pa ang pagprocure kag pagdumala sang COVID-19 vaccines nga wala na nagakinahanglan pa nga ipaagi sa malawig nga proseso sang public bidding.
Sa idalom sang hagna amo man ang paghimo sang COVID-19 National Vaccine Indemnity Fund nga amo ang gamiton para sa indibidwal nga nabakunahan pinaagi sa COVID-19 vaccination program sa tion nga ini ang mapatay, makaangkon sang sablag sa lawas ukon ma-confine sa ospital.
Nasaad man sa hagna nga kinahanglan may yara sang special task group nga itukod ang Inter-Agency Task Force nga ginalakipan sang medical kag vaccine experts nga amo ang maga-monitor kun bala may yara sang negatibo nga epekto ang bakuna.
