Nadugangan sang 35 ka kaso sang COVID-19 ang Western Visayas base sa case bulletin sang Department of Health Region 6.
Sa panibag-o nga kaso, ang Iloilo Province ang may yara sang walo ka COVID-19 cases; Bacolod City nga may duha; Iloilo City nga may 12; Aklan nga may 12; kag Capiz nga may isa.
Samtang 24,541 na ang kabug-usan nga kaso sang COVID-19 sa rehiyon sa diin 1,012 diri ang makabig nga active cases.
Nadugangan naman sang isa ang napatay bangud sa virus sa diin 738 na ang kabug-usan nga numero.
Sa bahin naman sang mga naka-recover, 22,785 ang mga nag-ayo na nga pasyente sa diin 94 diri ang nagdugang.
Kun pahat-pahaton ang kaso sang COVID-19 sa tagsa ka mga probinsya kag syudad;
Aklan – 809
Antique – 112
Capiz – 1,289
Guimaras – 289
Iloilo Province – 4,227
Negros Occidental – 6,749
Bacolod City – 5,815 kag;
Iloilo City – 5,251
