MYANMAR – Nagapadayon ang ginbansagan nga People Power sa pungsod Myanmar batok sa militar agud pauntaton na ang mga ini sa paggamit sang gahom kag kontrol sa pungsod.
Suno kay Bombo International Correspondent Atty. Jobert Pahilga direkta sa Myanmar, lapnagon ang nationally-coordinated protest action sa bilog nga pungsod sa diin indi magnubo sa lima ka milyon ang nagpasakop sa hublag-protesta.
Suno kay Pahilga, lunsay ginsirado ang tanan nga baligyaan, mga bangko, merkado, restaurant, kag establisemento komersyal.
Suno sa iya, nagapanguna sa pagprotesta amo ang mga pamatan-on, mga young professionals, government officials kag mangin ang mga monghe.
Dugang niya, makapila na magpahanumdom ang gobyerno sa publiko nga indi na magprotesta bangud dako ang posibilidad nga madamo sang mapatay sang militar apang wala nagapapugong ang mga tawo.
Sa subong indi pa mapat-od kun san-o mauntat ang mga pagprotesta.
Gintuad man ni Pahilga nga bukas man ang embassy sa tion nga magpauli ang mga foreign nationals sa ila tagsa ka pungsod bangud sa magamo nga protesta adlaw-adlaw.
Matandaan nga nagpanawagan man si United Nations Secretary-General Antonio Guterres sa militar sang Myanmar nga untaton na ang paggamit sang pwersa kag hilwayon ang ila mga ginpangdakop.
