ILOILO – Wala sang katupong ang kalipay nga nabatyagan sang isa ka succesful blood donor sa madinalag-on nga Dugong Bombo nga ginpatigayon sa Oton, Iloilo.
Kaupod sang Bombo Radyo Philippines sa Dugong Bombo ang local government unit (LGU) sang Oton, Iloilo kag Philippine Red Cross.
Sa interview sang Bombo Radyo kay Raffy Dela Cruz, iya ginpahayag nga isa ka bugal nga makabulig sa pagsugpon sang kabuhi sa mga nagakinahanglan pinaagi sa pagdonar sang dugo.
Suno kay Dela Cruz, nalipay siya nga nakadonar sang dugo nga tuman nga kinahanglanon sa tunga sang pandemya.
Gintuad ni Dela Cruz nga ika-lima na niya ini nga pagdonar sang dugo sa Dugong Bombo kag nagapasalamat man siya sa kahigayunan nga makabulig sa iya isig-kapareho.
