Plano sang isa ka Agriculture Official nga irekomenda ang pagpatuman sang mas mataas nga price ceiling sa baboy.
Para kay Department of Agculture Undersecretary Ernesto Gonzales, nagakadapat nga pataasan ang price ceiling sa baboy sa P300 sa kasim kag pigue kag P300 para sa liempo gikan sa P270 nga presyo subong.
Sa nangin konsultasyon ni Gonzales sa hog producers, meat dealers kag nagabaligya sang baboy, ginpahayag sang mga grupo sang hog raisers nga sa baylo nga price cap, himuon na lang nga suggested retail price kag pasakaan sa P330 kada kilo ang SRP sa kasim kag pigue kag P360 naman sa kada kilo sang liempo.
Apang pahayag niya, P300 tubtob P330 lang ang mahimo nga mapasaka nga presyo bangud pat-od nga madamo ang indi magpabor kun himuon nga P330 tubtob P360 ang kada kilo sang baboy.
Target ni Gonzales nga marekomenda ang iya plano kay Agriculture Secretary William Dar sa masunod nga semana.
