Imbestigahan sang US Justice Department ang mataas nga kaso sang pagpang-atake sa Asian Americans umpisa sang gintawag ni anay President Donald Trump ang COVID-19 bilang “China virus.”
Suno kay Pamela Karlan, principal deputy assistant attorney general for the Civil Rights Division, nagapangatubang subong ang Estados Unidos sang indi patas nga mga pagpanghangkat.
Nagapakig-angot na ang iya opisina sa Federal Bureau of Investigation, federal prosecutors kag local police agud nga i-evaluate ang mga hate crimes.
Pahayag naman ni Acting Deputy Attorney General John Carlin, wala nila gina-tolerate ang ano man nga sahi sang domestic terrorism ukon hate-based violent extremism sa diin ini ang ila tinguhaan nga matapos na.
Humalin sang Marso 2020 tubtob Disyembre sang tinalikdan nga tuig, may yara sang masobra 2,800 nga mga reported incidents sang anti-Asian hate incidents sa Estados Unidos.
Ang verbal harassment naman ang may yara sang masobra 70 percent nga mga insidente kag masobra 8 percent ang involved sa physical assaults.
