ILOILO – Isa ka balay ang totally burned matapos magluntad ang sunog sa Brgy. Bancal, Alimodian, Iloilo.
Ang balay ang ginapanag-iyahan ni Barangay Kagawad Oscar Anabo.
Sa interview sang Bombo Radyo kay Pol. Major Sullen Domingo, hepe sang Alimodian Municipal Police Station, iya ginpahayag nga nagdangat sa P300,000 ang balor sang halit nga natuga sunog nga naglamon sa balay ni Anabo.
Suno sa hepe, ang pila ka bahin sang amo nga balay ang human sa light materials rason nga madasig nga nagmakot ang kalayo.
Ginkumpirma man ni Domingo nga short circuit ang gintunaan sang sunog.
