ILOILO CITY – Ginaduso sang Iloilo City Police Office (ICPO) ang pagtukod sang pool of investigators.
Sa interview sang Bombo Radyo kay ICPO Director Police Colonel Uldarico Garbanzos, iya ginpahayag nga nagakadapat may i-assign nga grupo sang imbestigador sa isa ka sahi sang krimen agud mas mapadali ang pagsolbar sang mga kaso.
Katuyuan sini suno kay Garbanzos nga mas matutukan sang maid-id ang nagkalain-lain nga krimen kaangay sang murder, rape, homicide kag iban pa sa syudad sang Iloilo.
Mas maayo man suno sa natungdan nga may grupo sang imbestigador ang kada kaso sang krimen bangud indi lamang isa ka sahi sang kriminalidad ang nagaluntad sa Iloilo City kundi madamo pa.
