ILOILO CITY – Magapatigayon sang ‘Convoy Run’ ang Iloilo City Government, bwas nga adlaw, Marso 2.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga katuyuan sang nasambit nga aktibidad nga mabanta ang tyempo sa pag-abot sang COVID-19 Vaccines nga ginbakal sang syudad sang Iloilo.
Suno kay Conlu, magaumpisa las 8:00 sang aga ang ‘Convoy Run’ kag ini ang pagaupdan sang Public Safety and Transportation Management Office (PSTMO), Philippine National Police (PNP), Bureau of Fire Protection (BFP), Bureau of Jail Management and Penology (BJMP) kag Local Government Unit sang Iloilo City.
Magaumpisa naman ang aktibidad sa Iloilo International Airport kag padulong sa Jubilee Hall sa Mabini St., Iloilo City Proper sa diin nahamtang ang COVID-19 Facility.
