Pilason ang anom ka mga indibidwal sa natabo nga bungguanay sa tunga sang tricycle kag taxi sa Diversion Road, Mandurriao, Iloilo City.
Ang driver sang tricycle amo si Jose Allen Aguirre, 46 anyos; kaupod niya ang misis nga si Socorro Aguirre, anak nila nga pito ka tuig kag iya mga hinablos — duha ka mga naga-edad 13 ka tuig kag isa ang 15 ka tuig, residente sang Barangay Balabag, Dumangas, Iloilo.
Ang driver naman sang taxi amo si Nelio Gabales, 65 anyos kag residente sang Sta. Rosa, Mandurriao, Iloilo City.
Sa interview sang Bombo Radyo ay Jose Allen Aguirre, iya ginpahayag nga padulong kuntani sila sa Barangay Delgado-Jalandoni-Bagumbayan, Iloilo City halin sa Dumangas, Iloilo sang naalang-alangan ini matapos nga nagliko ang taxi rason sang ila pagbungguanay.
Suno kay Aguirre, mahinay man ang iya nga pagpadalagan sang tricycle.
Natukiban nga wala sang driver’s license si Aguirre.
Gilayon naman nga gindala sa ospital ang mga nagkalapilasan.
