Nagtanyag sang P300,000 nga padya si Tapaz, Capiz, Mayor Roberto Palomar sa makatudlo sa mga suspek nga nagluthang-patay kay Punong Barangay Julie Catamin sang Roosevelt, Tapaz, Capiz.
Si Catamin ang ginluthang sang riding-in-tandem suspects sa Brgy. Malitbog Centro, Iloilo.
Sa interview sang Bombo Radyo kay Palomar, iya ginpahayag nga luyag nila mahatagan sang hustisya ang pagpatay kay Catamin.
Suno sa alkalde, dako nga kadulaan si Catamin nga isa sa mga nagaduso agud matapos ang insurhensya sa ila banwa.
Ginpahayag ni Palomar nga nagabuligay naman ang Philippine National Police (PNP), National Bureau of Investigation (NBI), Philippine Army, kag Local Government Unit (LGU) agud masolbar ang kaso sang pagpatay kay Catamin.
Abagahon naman sang Tapaz, Capiz Government ang autopsy kag gasto sa punerarya ni Catamin.
