Dakop sa drug-buy bust operation ang Job hire sang Iloilo City Hall sa Barangay Infante, Molo, Iloilo City.
Ang arestado amo si Remy Braganjia, 40, kag tumandok sang Barangay Casalsagan, Pototan, Iloilo.
Sa interview sang Bombo Radyo kay PMaj. Marlyn Roquero, hepe sang Molo Police Station, iya ginpahayag nga nabaklan sang isa ka item si Braganjia kag narecover pa ang siyam ka mga magagmay nga sachet sang ginapatihan shabu.
Suno kay Roquero, natigayon nga madakpan ang durugista bangud man sa pagpanikasog sang Station Drug Enforcement Team sang Molo Police Station.
Sa subong, yara na sa kustodiya sang nasambit nga police station si Braganjia kag magapangatubang sang kaso nga magpalas sa Republic Act 9165 ukon Comprehensive Dangerous Drugs Act.
