ILOILO – Nakilala na ang lalaki nga nasapwan patay sa katubuhan sa Brgy. PD Monfort North, Dumangas Iloilo.
Ang biktima amo si Vivencio Bennedick Siaotong Dequilla Jr. 63, single, father founder sang Psi Sigma Phi Philippines Incorporated kag residente sang Lanas, Barotac Nuevo, Iloilo.
Matandaan nga nasapawan nga yara na sa advanced state of decomposition ang lawas ni Dequilla sa diin nagasuksok ini sang itom nga t-shirt, kag brown nga shorts.
Sa interview sang Bombo Radyo kay PMaj. Joven Arevalo, hepe sang Dumangas Municipal Police Station, iya ginpahayag nga wala pa sa gihapon matul-id ang matuod nga motibo sa likod sang kamatayon sang biktima.
Suno kay Arevalo, may pilas sa nawala nga bahin sang ulo malapit sa may dulunggan si Dequilla.
Wala na man suno kay Arevalo nagapauli si Dequilla kag masobra isa ka semana nga wala nakakontak sa iya pamilya sa diin nagaboard ini sa Lagubang, Barotac Nuevo, Iloilo.
Sa subong padayon sa gihapon ang imbestigasyon sang Dumangas Municipal Police Station sa natabo nga insidente.
