ILOILO – Apat ang patay matapos nga naaksidente ang wing van truck sa Barangay Apelo, Sara, Iloilo.
Ang lugar ang nahamtang sa boundary sang Sara, Iloilo kag Lemery, Iloilo.
Sa interview sang Bombo Radyo kay PMaj. Jose Nemias Pamplona, hepe sang Sara Municipal Police Station, iya ginpahayag nga natabo ang insidente sang kaagahon sa diin nadulaan sang kontrol sa manebela ang driver sang wing van truck kag nakabunggo sa rice dryer facility.
Suno kay Pamplona, natumba ang truck sa nasambit nga rice dryer facility sa diin lunsay napilpilan ang duha ka empleyado nga gintunaan man sang ila kamatayon.
Ang mga napatay nga sakay sang wing van truck amo sanday Henry Dian Jr, driver kag sakay sini nga si Andrei Sino.
Samtang ang mga napatay naman nga mga trabahador sang rice dryer facility amo sanday Jojo Ciudad kag Norsan Romualdo.
Nahibaluan nga ipadala kuntani sa Cebu ang indi magnubo sa 450 packs nga mais nga karga sang wing van truck.
