Nagpasalig ang Punong Barangay sang San Juan, Molo, Iloilo City nga siya ang una nga mapabakuna batuk COVID-19 sa tion nga makaabot na ang bakuna para sa tanan sa syudad sang Iloilo.
Sa interview sang Bombo Radyo kay Punong Barangay Pascual Sipil Espinosa, iya ginpahayag nga padayon ang pagpangampanya sang mga barangay officials sa mga pumuluyo nga magpabakuna.
Ginalantaw ni Espinosa nga isa sa mga solusyon agud matapos ang pandemya amo ang pagbaton sang COVID-19 vaccines.
Nagpanawagan man ang Punong Barangay sa mga pumuluyo niya nga indi na magkahangawa bangud may yara na sangn bakuna agud nga proteksyonan ang ikaayong lawas batuk sa makamamatay nga balatian.
