Imbestigahan sang Senado ang recent data sang Department of Education nga nagapakita nga 99% sang mga estudyante ang nakapasar sa idalom sang distance learning program sa una nga quarter sang school year.
Ginkwestyon ni Sen. Sherwin Gatchalian, chairman sang Senate committee on basic education, kun bala may nahibaluan man ang mga estudyante sa distance learning.
Antes pa man sang COVID-19 pandemic pahayag sang senador, may yara na sang low national achievement scores ang pungsod nga 40 tubtob 50 percent.
Gani sang nagguwa ang 99 percent nga passing rates, pila sa mga senador ang nakibot.
Dugang pa sang senador, tuman ka layo sang 99% sa 40% nga national achievement test scores sa diin kinahanglan ang matuod nga assessment agud makit-an kun sa diin mahina ukon nagakabudlayan ang mga estudyante.
Lakip man sa imbestigahan sang Senate committee on basic education amo ang “sagot for sale scheme” sa diin may mga tawo nga nagatanyag nga sabtan ang modules sang mga estudyante kabaylo sang kwarta.
