Ginlunsyar na sang grupo sang mga advocates kag professionals ang BAKUNA Iloilo nga may katuyuan nga magpalapnag sang awareness sa publiko tuhoy sa COVID-19 vaccination.
Sa interview sang Bombo Radyo kay Dr. Cynthia Cabangal Ng, pinuno sang Hospital Management Office sang Iloilo Provincial Government , iya ginpahayag nga pinaagi sa ila nga social media page nga BAKUNA Iloilo, ila tinguhaan nga engganyuhon ang mga tawo nga magpartisipar sa pagpabakuna.
Magluwas sa social media, nagalaum si Ng nga may yara man sang mga community activities nga patigayunon agud nga mas masangkad pa ang malab-ot nga audience.
Isa sa mga pagpanghangkat pahayag niya amo ang kakulang sang impormasyon sang publiko may kaangtanan sa COVID-19 vaccination.
Gani mas manami dugang sang natungdan nga makadayalogo ang mga advocates kag professionals sa tagsa ka mga tawo.
Dugang pa ni Ng, kun indi magpabakuna ang tawo, indi man matapna ang problema bangud ang pagpabakuna ang indi lamang nagaprotekta sa kaugalingon kundi nagaprotekta sa pamilya, sa komunidad kag mangin sa pungsod.
