44,000 ka tawo sa Pilipinas, nabakunahan na sang 1st dose batuk sa COVID-19

Masobra na sa 44,000 ka tawo ang nabakunahan batuk sa COVID-19 sa nagkalain-lain nga bahin sang Pilipinas.

Ini ang ginpahayag ni vaccine czar Sec. Carlito Galvez Jr. sa briefing kaupod si Presidente Rodrigo Duterte.

Suno kay Galvez, may yara na sang pagtaas sa demand sang COVID-19 vaccine doses matapos makit-an ang mga doktor nga nagapabakuna.

Halos adlaw-adlaw pahayag niya, may yara sang nagarequest sang bakuna –buot silingon, nagtaas na ang kumpiyansa sang mga Filipinos nga magbaton sang bakuna.

Dugang pa sang natungdan, 1,125,600 doses sang COVID-19 vaccines ang nag-abot sang Marso lakip na ang 600,000 Sinovac doses nga gindonate sang China kag 525,600 doses naman sang AstraZeneca nga gindonate paagi sa Covax facility.