Gindayaw ni US President Joe Biden ang makasaysayan nga pagbisita ni Pope Francis sa Iraq.
Suno kay Biden, ang pagpadulong sang Santo Papa sa nasambit nga pungsod ang nagdala sang importante nga mensahe sang kalinong kag katawhay.
Sang nakit-an sang US President ang Pontiff nga nagbisita sa nagkalain-lain nga mga ancient religious sites sa Iraq lakip na ang biblical birthplace ni Abraham, pagpakig-istorya sang Santo Papa kay Grand Ayatollah Ali al-Sistani kag pag-halad sini sang pangamuyo sa Mosul — ang syudad nga ginsakop sadto sang Islamic State — naghatag ini sang simbolo sang paglaum sa bug-os nga kalibutan.
Si Biden ang ika-duha nga Roman Catholic US President sa diin regular ini nga nagatambong sa misa kada Domingo kag masami nagagamit sang Biblical kag iban pa nga mga sacred verces.
