Nagapanawagan ang mga mamalidha sa National Economic and Development Authority (NEDA) nga tun-an kag ikonsidera ang third Bayanihan law agud nga mabuligan ang mga apektado sang COVID-19 pandemic ilabi na ang nagataas nga numero sang mga wala sang trabaho.
Suno kay Marikina City Representative Stella Quimbo, ang Bayanihan 3 ang may katuyuan nga solusyonan ang unemployment rate amo man ang hunger incidence tuga sang pandemya.
Apang wala ini ginasuportahan sang NEDA pahayag niya — gani masubo para sa ila nga mga mamalidha nga ang indi ini suportado sang economic planner sang pungsod bangud suno sa ahensya, wala ini ginpatpat sa ila sang Legislative Executive Development Advisory Council rason nga indi ini prayoridad.
Nahibaluan nga ang unemployed Filipinos ang nagsaka pa sa 1.6 million sang Enero 2021 sa diin 8.7% na ang unemployment rate base sa data sang Philippine Statistics Authority.
