Pope Francis ginpasalamatan ang mga tawo sa Iraq, political kag religious leaders nga nagbulig agud mangin posible ang iya pagbisita sa nasambit nga pungsod

Ginpasalamatan ni Pope Francis ang mga tawo sa Iraq bangud sa pagpahanugot sa iya nga matabo ang makasaysayan nga pagbisita sini sa pungsod.

Suno sa Santo Papa, matapos ang iya pagbisita, napun-an sang pagpasalamat sa Diyos kag sa tanan nga nagbulig ang iya nga tagipusuon agud mangin posible ang iya pagpadulong sa Iraq.

Gintu-ad sang Pontiff nga indi niya malimptan ang pagpakigkita niya sa top Shiite cleric nga si Grand Ayatollah Ali Sistani.

Dugang pa ni Pope Francis, nabatian niya mismo sa mga Christian communities nga ang mga pilas sang mga nakaligad tuga sang pagpanggamo sang Islamic State, ang nadula matapos ang dekada nga pag-antos kag ini ang nabayluhan sang kalipayan sa pagbaton sang mensahe sang Diyos.

Nagapanindugan ang Santo Papa nga ang mga tawo sa Iraq ang may yara sang kinamatarong nga mabuhi sang kalinong.

Sa subong, ginatinguhaan sang mga Muslims kag Kristyano nga mabalik kag matukod liwat ang mga simbahan kag mosque nga nagguba bangud sa kinagamo.