Mabaton na sang Pilipinas ang una nga batch sang COVID-19 vaccines sang Pfizer BioNTech sa masunod nga bulan.
Suno kay Vince Dizon, deputy chief implementer sang National Task Force against COVID-19, nagpasalig ang World Health Organization nga maabot ang 117,000 doses sang Pfizer sa Abril.
Dako ini nga butang pahayag niya ilabi na para sa mga healthcare workers nga prayoridad sang gobyerno nga mabakunahan.
Ginalantaw sang NTF nga matapos ang pagpangbakuna sa mga healthcare workers kag senior citizens batuk sa COVID-19 sa tunga-tunga sang tuig 2021.
Sa subong, ginalauman sang mga otoridad nga may maabot subong nga Marso sang dugang nga 1.4 million nga Sinovac vaccines kag dugang man nga AstraZeneca vaccines.
