Ginaabi-abi sang European Union ang announcement sang gobyerno sang Pilipinas nga imbestigahan ang kamatayon sang siyam ka mga indibidwal kadungan sang pagserbe sang search warrants sa Calabarzon.
Ang nagpatigayon sang simultaneous operations amo ang Philippine National Police kag Philippine Army batuk sa mga ginapahayag communists terrorists sa Cavite, Laguna, Batangas kag Rizal.
Suno sa EU delegation sang pungsod,ang ginapahayag paggamit sang pwersa batuk sa mga indi armado nga mga indibidwal kag ginaalegar iregularidad sa mga law enforment operations amo ginakabalak-an sang European Union.
Pahayag pa sang EU, ang pagpasiguro nga may yara sang salabton ang isa ka tawo ang nagakadapat nga nasanto sa due process sa idalom sang layi kag ginasunod ang international human rights obligations.
Pebrero 5 sang ginkasugtan sang European Union kag Pilipinas nga protektahan ang human rights defenders kag pahanugutan nga obrahon ang ila trabaho nga nasanto man sa UN Declaration on Human Rights Defenders.
Mangin si Department of Justic Secretary Menardo Guevarra ang nagpahayag nga ginakadismaya niya ang police operation sa nagkalain-lain nga mga lugar sa Calabarzon sa diin nagresulta ini sang pagkapatay sang siyam ka mga tawo.
Ang maduguon nga insidente ang natabo pila ka semana matapos nga ginreport ni Guevarra sa United Nations Human Rights Commission ang tuhoy sa mga paglapas sang protocols sa mga anti-drug operations.
Una na nga ginkumpirma ni Presidential Spokesperson Harry Roque nga imbestigahan sang gobyerno ang pagkapatay sang mga aktibista kag si Guevarra amo ang magapanguna sa imbestigasyon.
Depensa naman sang mga kapulisan, ang operasyon ang nasanto sa court-issued search warrants kag ang mga napatay amo ang mga ginapahayag nagbato sa otoridad.
