ILOILO CITY – Hugot nga ginpakamalaot ni Iloilo City Mayor Jerry Treñas ang Department of Health (DOH) Region VI.
Ini ang kasunod sang ginapahayag mahinay nga hulag sang nasambit nga ahensya sa rollout sang COVID-19 Vaccine.
Matandaan nga una na nga nagwangal ang alkalde nga wala sang “sense of urgency” ang DOH Region VI.
Sa exclusive interview sang Bombo Radyo kay Mayor Treñas, iya ginpahayag nga nagakadapat nga antes ang pag-abot sang mga bakuna sa syudad sang Iloilo, ginlista na dayun sang ahensya ang mga ospital nga nagakadapat nga hatagan sang bakuna.
Dismayado man ang alkalde sa ahensya bangud madugay nga naghulat ang Iloilo City sang bakuna batok sa COVID-19 apang sang yari na wala gilayon mapanagtag.
Suno kay Treñas, ang COVID-19 vaccines ang indi kaangay sang bangrus nga pwede pa matago kag maluto bangud madamo sang kabuhi nga nagahulat diri.
”I am totally disappointed nga isa na ka-tuig ang hulat ta sang vaccine, pag-abot diri ya, ginasulod sa freezer kag taguon para nga…ambot! basi daw bangrus bala nga para nga mausar mo pa sa dason nga adlaw para mapinamalhan mo..Ang akon lang ya tani there should be a sense of urgency.”
Suno kay Treñas, ‘may kaugalingon nga kalibutan’ ang DOH Region VI sa diin wala ang mga ini sang koordinasyon sa iya.
