ILOILO – Naghingyo ang Traffic Enforcers sang kooperasyon sa mga motorista nga sundon ang alternate route may kaangatan sa road closure sa mga dalanon malapit sa ginatukod nga flyover sa Barangay Ungka II, Pavia, Iloilo.
Ang nasambit nga closure ang maumpisa na sa Lunes, Marso 15 tubtob sa Domingo, Marso 21, umpisa las 7:00 sang aga tubtob las 5:00 sang hapon.
Katuyuan sang nasambit nga closure amo ang mahatagan ligwa ang pag-install sang girders nga kinahanglanon sa nasambit nga flyover.
Sa interview sang Bombo Radyo kay Anthony Tuvera, Traffic Aide sa Pavia Iloilo, iya ginpahayag nga lakip sa mga siraduhan nga dalan amo ang U-turn slot malapit sa exit sang Christ the King sa Barangay Ungka, Jaro, Iloilo City padulong sa intersection sang Circumferential Road sa Barangay Ungka II, Pavia, Iloilo.
Ginalauman suno kay Tuvera nga magtuga sang trapiko ang amo nga closure apang tinguhaan nila nga mapatawhay ang dalanon padulong sa syudad sang Iloilo.
Suno kay Tuvera, masami nga nagapugok ang trapiko kun weekdays umpisa las 7:00 sang aga tubtob las 9:00 sang aga.
Samtang, ang rush hour naman sa gab-i nagaumpisa man sa las 7:00.
Bangud diri, nagpangabay man sang paghangop ang natungdan sa mga commuters may kaangtanan sa road closure.
Samtang, yari ang alternate route para sa mga motorista halin sa Sta. Barbara kag Pavia nga magapadulong sa Iloilo City:
– Pavia Highway deretso sa Tacas, Jaro deretso sa Quintin Salas deretso sa McArthur Highway
– Pavia Highway deretso sa Tacas, Jaro deretso sa Buhang deretso sa McArthur Highway
– Para sa PUBLIC UTILITY JEEPNEYS– Pavia Highway deretso sa Circumferential Road deretso sa Road-old railwway road deretso sa Ungka ITGSI Terminal deretso sa Lopez Jaena St. deretso sa San Isidro deretso sa National Irrigation Administration Road deretso sa Tacas, Jaro
– Pavia Highway deretso sa Circumferential Road deretso sa U Slot ALEOSAN deretso sa Hibao-an Intersection deretso sa Guzman Jesena
– Pavia Highway deretso sa F. Gorriceta Ave-Bangga 5, Hibao-an deretso sa Guzman Jesena
– Outbound deretso sa Guzman Jesena
– Outbound deretso sa Quintin Salas
– Outbound deretso sa Buhang deretso sa Circumferential Road
Nagpanugyan naman si Tuvera sa mga motorista nga magtuman sa ila direksyon kag magdoble halong sa dalanon.
