Nagalaum ang blood coordinator sang Concepcion, Iloilo nga malab-ot ang target nga 280 successful blood donors sa patigayunon nga Dugong Bombo sang Bombo Radyo Philippines sa Marso 15.
Updan ang aktibidad sang Local Government Unit sang nasambit nga banwa kag Philippine Red Cross.
Sa interview sang Bombo Radyo kay Engr. John Rey Asturias, blood coordinator, iya ginpahayag nga bangud wala nadayon sang Pebrero 22 ang bloodletting activity bangud sa bagyo, ginpakamaayo ini nga i-reschedule.
Suno kay Asturias, kada barangay, ginalauman nga may yara sang indi magnubo sa 10 ka mga indibidwal ang magadonar sang dugo.
Ginapangabay man sang natungdan nga magpartisipar sa aktibidad ang mga Pantawid Pamilyang Pilipino Program ukon 4Ps benefiaries kag Livelihood Assistance Grant beneficiaries.
Hiwaton ang bloodletting activity sa Municipal Gymnasium las 8 sa aga tubtob las 2 sa hapon.
Ginasiguro man sang LGU-Concepcion nga masunod ang mga minimum health protocols kadungan sang aktibidad.
