623 ukon 22% nga mga healthcare workers sa mga district hospitals sa probinsya sang Iloilo ang nabakunahan na sang China made Sinovac vaccines.
Sa interview sang Bombo Rayo kay Dr. Cynthia Cabangal Ng, pinuno sang Hospital Management Office, iya ginpahayag nga ang mga healthcare workers sang Don Valerio Palmares Sr. Memorial District Hospital sa Passi City kag Federico Roman Tirador Sr. Memorial District Hospital sa Janiuay, Iloilo ang wala pa mabakunahan apang natalana ang vaccination sa Lunes, Marso 15.
Suno kay Ng, may yara sang kabug-usan nga 2,819 ka mga healthcare workers ang probinsya sang Iloilo.
Sa mga nabakunahan na, wala man sang may nabaton nga reklamo ang Hospital Management Office kun may yara sa mga healthcare workers ang nakabatyag sang adverse reaction sa bakuna.
Nagalaum man ang natungdan nga ma-umpisahan na sa masunod nga semana ang vaccine rollout gamit ang AstraZeneca sa mga healthcare workers nga senior citizen, mga assigned sa critical areas kag mga may mga balatian.
