Apektado sang import ban bangud sa bird flu ang mga kalan-an ukon fast food restaurant nga nagaserbe sang “unli chicken wings.”
Sakop sang ban nga ginpatuman sang Departmentn of Agriculture amo ang poultry products kaangay sang manok nga nagikan sa United Kingdom bangud sa H5N8 ukon Avian influenza nga makalalaton sa mga manok kag mangin sa tawo.
Suno kay Meat Importers and Traders Association (MITA) President Jess Cham, nagakahubsan na sang supply sang chicken wings kag legs nga halin sa Europa kag bangud sini nagakabudlayan ang mga mga fast food restaurant.
Nagakabalaka naman ang Philippine Association of Meat Processors Inc. (PAMPI) bangud sa United Kingdom, the Netherlands kag Germany pa nagahalin ang 55% sang mga mechanically deboned meat nga kinahanglan sa paghimo sang processed meat products kaangay sang hotdog, meat loaf, luncheon meat, siomai kag iban pa.
