Ginakondenar sang Interated Bar of the Philippines (IBP) – Iloilo Chapter ang kontrobersyal nga pagbuno kay Atty. Angelo Karlo Guillen sang Marso 3 sa Villa Anita Subdivision sa Iloilo City Proper.
Sa exclusive interview sang Bombo Radyo kay Atty. Doni Almio, member of the board sang IBP – Iloilo Chapter, iya ginpahayag nga personal man niya nga kilala kag abyan si Atty. Guillen sa diin lunsay ang mga ini nag-eskwela sa University of San Agustin, College of Law.
Gin-ako ni Almio nga nadismaya siya sa mga tawo nga nagatuyo sang kamatayon sa kaangay niya nga abogado.
Suno kay Almio, sala nga makabig ang pagsakit ukon pagtuyo nga patyon ang isig kapareho bisan abogado man ini ukon indi.
Aminado man si Almio nga ang pagsulod sa trabaho bilang isa ka abogado ang may dala nga ‘threat’ ukon pamahog sa kabuhi.
Apang bilang isa ka indibidwal nga ginaobra lamang sang insakto ang trabaho, ginpahayag ni Almio nga tuman sila ka mahinalungon.
Apang sa pamangkot kun pabor bala ini nga mag-angkon sang personal nga armas-luthang para sa proteksyon bilang abogado, ginpahayag niya nga isa ka prebiliheyo nga mag-angkon ang isa ka tawo sang armas apang nagakadapat nga legal ini kag may yara sang dokumento.
