Nagpalab-ot sang pagpasalamat sanday Pope Francis kag Cardinal Luis Antonio Tagle kasunod sang selebrasyon sang 500th nga anibersaryo sang Kristyanismo sa Pilipinas.
Ang misa ang ginpangunahan sang Santo Papa sa St. Peter’s Basilica.
Nakaupod sang Santo Papa ang pila tiglawas sang Filipino church lakip na si Tagle nga anay Manila Archbishop.
Sa iya Homily, ginhangkat sang 84 anyos nga si Pope Francis ang mga Filipino nga pabaskugon pa ang pagtuo sa Ginoo.
“We see it in your eyes, on your faces, in your songs and in your prayers. I want to thank you for the joy you bring to the whole world and to our Christian communities,” pahayag sang Santo Papa.
Sa bahin naman sang 63 anyos nga Filipino top official sa Vatican, ginpahayag sini nga padayon ang pagtuo sang mga Filipino Christians nga amo ang nagaserbe nga kakusog sa pag-atubang sang pagpanghangkat sa pangabuhi.
Nalakip man sa mga pagpanghangkat sa mga Kristyano nga Pinoy ang conomic inequality, political upheavals, kun may kalamidad kaangay sang bagyo, linog, paglupok sang bulkan kag ilabi sa COVID-19 pandemic.
Yari pamatian ang kabahin sang homily ni Pope Francis.
